Túnde Oral qalasyndaǵy vagonjóndeý deposynda iri órt boldy
ASTANA. 14 shilde. QazAqparat - Búgin tún ortasynda Oral qalasynda «QazTemirTrans Oral vagonjóndeý deposy» AQ-ǵa tıesili vagonjóndeý deposynda iri órt boldy.
QR TJM-nan málim etkendeı, vagonjóndeý deposynda angardyń jáne jabyq júk vagonynyń shatyrlary órtendi. Jalyn 800 sharshy metr aýmaqty sharpydy.
Qutqarýshylar anyqtaǵandaı, qaza bolǵandar men zardap shekkender joq.
Órt 4 saǵattan keıin sóndirildi. Jalynmen QR TJM Batys Qazaqstan oblysy boıynsha TJD órtke qarsy qyzmetiniń 30 adamy men 9 tehnıkasy kúresti.
