Túnde elordalyq mekteptiń akt zaly órtke orandy (FOTO)
ASTANA. QazAqparat - Túngi birler shamasynda Astana qalasynyń Almaty aýdanynda № 29 orta mektepten órt shyqty.
«Oqıǵa ornyna jetken órtke qarsy qyzmet qyzmetkerleri jalyn ekinshi qabattaǵy májilis zalynda tutanǵanyn anyqtady. Tilsiz jaý tóbe men shatyrdy sharpyǵan. Bastapqy málimet boıynsha, órtten zardap shekken jalpy alań - 500 sharshy metr», - dep habarlady QazAqparat tilshisine QR ІІM TJK resmı ókili R. Imanqulov.
Onyń aıtýynsha, jalyn 02.17-de oqshaýlandyrylyp, 03.14-te sóndirildi. Zardap shekkender men qurbandar joq.
«Oqıǵanyń mán-jaıy anyqtalýda. Órtti sóndirýge jeke quramnan 59 adam, 16 tehnıka tartyldy», dedi ol.
