Túnde aıaz, úsik, ekpindi jel: 21 sáýirge arnalǵan aýa raıy boljamy

ASTANA. KAZINFORM – Qazgıdromet sınoptıkteri 21 sáýirge arnalǵan aýa raıy boljamyn jarııalady.

Sınoptıkter erteń, 21 sáýirde Astana men Qazaqstannyń 14 óńirinde naızaǵaı oınap, jaýyn-shashyn bolatynyn, ekpindi jel soǵatynyn boljap otyr.

Kúndiz Jambyl oblysynyń taýly aýdandarynda naızaǵaı oınaıdy, tuman bolady dep kútiledi. Oblystyń ońtústik-batysynda, soltústik-shyǵysynda, taýly aýdandarynda soltústik-shyǵystan soqqan jeldiń ekpini 15-20 m/s, keı tusta 25 m/s quraıdy. Túnde oblystyń ońtústiginde topyraq beti qatyp, 1 gradýs sýyq bolady, úsik júredi dep kútiledi. Tarazda soltústik-shyǵystan jel soǵady, túndegi ekpini - 15-20 m/s.

Kúndiz Aqmola oblysynyń batysynda, ońtústiginde naızaǵaı oınaıdy dep kútiledi. Oblystyń soltústiginde, shyǵysynda, ońtústiginde ońtústik-batystan soltústik-shyǵysqa oıysa soqqan jeldiń ekpini 15-20 m/s quraıdy. Kókshetaýda ońtústik-batystan soltústik-shyǵysqa oıysa soqqan jeldiń túndegi ekpini 15-20 m/s bolady dep kútiledi.

Almaty oblysynyń shyǵysynda, ortalyǵynda soltústik-shyǵystan jel soǵady, ekpini - 15-20 m/s. Túnde oblystyń shyǵysynda, taý etegindegi aýdandarda topyraq beti qatyp, 1-3 gradýs aıaz bolady, úsik júrýi yqtımal. 

Jetisý oblysynyń taýly aýdandarynda túnde jáne tańerten tuman bolady, túnde oblystyń soltústigi men ortalyǵynda 1-3 gradýs aıaz bolyp, úsik júredi dep kútiledi. Taldyqorǵanda túnde topyraq beti qatyp, 2 gradýs aıaz bolady, úsik júrýi múmkin. 

Kúndiz Qostanaı oblysynyń soltústiginde, shyǵysynda naızaǵaı oınaıdy, Qostanaıda da kúndiz naızaǵaı bolady dep kútiledi.

Túnde Shyǵys Qazaqstan oblysynyń soltústiginde jaýyn-shashyn (jańbyr, qar), kúndiz oblystyń soltústiginde, shyǵysynda naızaǵaı oınap, burshaq jaýady dep kútiledi. Túnde oblystyń soltústiginde, kúndiz oblystyń batysynda, soltústiginde, shyǵysynda ońtústik-shyǵystan, ońtústikten jel soǵady, ekpini - 15-20 m/s, keı tusta 25 m/s deıin jetedi. Óskemende kúndiz naızaǵaı oınap, ońtústik-shyǵystan, ońtústikten jel soǵady, ekpini - 15-20 m/s.

Kúndiz Abaı oblysynyń soltústiginde, ortalyǵynda naızaǵaı oınap, burshaq jaýady dep kútiledi. Oblystyń batysynda, soltústiginde, ortalyǵynda ońtústikten, ońtústik-batystan soqqan jeldiń ekpini 15-20 m/s, keı tusta 23-28 m/s deıin jetedi. Semeıde kúndiz naızaǵaı oınaıdy, ońtústikten, ońtústik-batystan jel soǵady, ekpini - 15-20 m/s.

Kúndiz Pavlodar oblysynyń ońtústiginde, shyǵysynda naızaǵaı oınaıdy dep kútiledi. Oblystyń ońtústiginde, soltústiginde soltústik-batystan jel soǵady, ekpini - 15-20 m/s. Pavlodarda soltústik-batystan jel soǵady, kúndizgi ekpini 15-20 m/s quraıdy.

Kúndiz Atyraý oblysynyń batysynda shyǵystan, ońtústik-shyǵystan jel soǵady, ekpini - 15-20 m/s.

Kúndiz Túrkistan oblysynyń taýly aýdandarynda naızaǵaı oınap, kúndiz oblystyń taýly aýdandarynda soltústik-shyǵystan jel soǵady, ekpini - 15-20 m/s.

Soltústik Qazaqstan oblysynda túnde jańbyr jaýady, kúndiz oblystyń ońtústik-batysynda naızaǵaı oınap, túnde oblystyń batysynda, ońtústiginde, shyǵysynda soltústikten jel soǵady, ekpini - 15-20 m/s.

Kúndiz Mańǵystaý oblysynyń batysynda, ortalyǵynda shańdy daýyl turady dep kútiledi. Kúndiz oblystyń batysynda, ortalyǵynda ońtústik-shyǵystan soqqan jeldiń ekpini 15-20 m/s, keı ýaqyttarda 23 m/s deıin jetedi dep kútiledi. Aqtaýda kúndiz shańdy daýyl turyp, ońtústik-shyǵystan jel soǵady, kúndizgi ekpini - 15-20 m/s.

Astanada kúndiz naızaǵaı oınap, ońtústik-batystan soltústik-shyǵysqa qaraı oıysa soqqan jeldiń keı ýaqyttardaǵy ekpini 15-20 m/s quraıdy.

Kúndiz Qyzylorda oblysynyń ońtústiginde shyǵystan, soltústik-shyǵystan jel soǵady, ekpini - 15-20 m/s.

Buǵan deıin habarlanǵandaı, «Qazgıdromet» sınoptıkteri Túrkistan oblysy men Shymkent qalasynyń aldaǵy jazǵa arnalǵan maýsymdyq boljamyn usyndy.