Túnde Astanada salynyp jatqan «Hat Shatyr» saýda, oıyn-saýyq ortalyǵynda órt boldy - TJM
STANA. Sáýirdiń 29-y. QazAqparat - Búgin túnde Astanada salynyp jatqan «Hat Shatyr» saýda, oıyn-saýyq ortalyǵynda órt boldy.
QR Tótenshe jaǵdaılar mınıstrliginen habarlaǵandaı, sáýirdiń 28-inen 29-yna qaraǵan túni ortalyqtyń syrtyndaǵy aǵash qaptamalar janǵan. Jalyn qurylys alańynyń 30 sharshy metr aýmaǵyn sharpydy.
Vedomstvodan anyqtaǵandaı, qurban bolǵandar men zardap shekkender joq.
Tilsiz jaý TJM Astana qalasy boıynsha TJD órtke qarsy qyzmetiniń jeke quramdaǵy 13 adamy men 3 tehnıkanyń kúshimen 40 mınýtta aýyzdyqtaldy.
Eske sala keteıik, «Hatyn Shatyr» saýda, oıyn-saýyq ortalyǵy bıyly jylǵy mamyr aıynyń sońynda paıdalanýǵa berilýi tıis. Biregeı nysannyń jalpy aýmaǵy 133 myń sharshy metr, bıiktigi 150 metr. Onyń qurylysynda 1 myńnan astam jumysshy eńbek etýde.
