Túnde Almatyda úsh avtokólik janyp ketti
ALMATY. QazAqparat - Túnde Almatyda úsh avtokólik janyp ketti. Bul týraly QazAqparat tilshisi Almaty q. TJ departamentiniń resmı ókili Sandýǵash Baımuhambetovaǵa silteme jasap habarlaıdy.
«5 qarasha kúni 00:38-de Almaty q. TJD «101» pýltine Bostandyq aýdany, Mustafın kóshesi 83/5-úıde avtokóliktiń órtenýi týraly habarlama kelip tústi. Órt bólimsheleri oqıǵa ornyna 00:58-de keldi jáne «Alfa Romeo» avtomashınasynda ot tutanyp, qasyndaǵy «Nıssan Kashkaı» kóligimen birge janyp ketken. Jaqyn turǵan «Folksvagen Polo» avtomobılin de órt jalyny sharpyǵan. Saǵat 01:01-de órt aýyzdyqtaldy jáne 01:06-da tolyq sóndirildi», - dedi Sandýǵash Baımuhambetova.
Órttiń jalpy aýmaǵy 6 sharshy metrdi qurady. Zardap shekkender men qurban bolǵandar joq.
