Túnde Almaty aspanynan aqqan meteorıt pe – mınıstrlik jaýap berdi

ALMATY. KAZINFORM – Búgin túnde Almatynyń jáne Almaty oblysynyń turǵyndary aspanda erekshe qubylysty baıqady. Áleýmettik jelide aspanda ushqan obektilerdiń kóptegen beınejazbasy tarady. 

Almatylyqtar kókten túsken aspan deneleri meteorıt bolýy múmkin ekenin topshylady. Alaıda QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti, bul – jer atmosferasyna kirgen Starlink-31469 spýtnıgi bolýy múmkin ekenin habarlaıdy.

- V.G. Fesenkov atyndaǵy Astrofızıkalyq ınstıtýt mamandarynyń pikirinshe, 13 maýsymǵa qaraǵan túni Almaty oblysynyń turǵyndary baıqaǵan erekshe qubylys — Jer atmosferasyna kirgende bólshektelgen spýtnık qaldyqtarynyń janýy. Bólshektelgen spýtnık 13.06.2024 kúni Jer atmosferasyna kiredi dep boljanǵan Starlink-31469 spýtnıgi bolýy múmkin, – dep habarlaıdy mınıstrlikten.

Aıta keteıik, buǵan deıin Almatyda tań ata kún erekshe qatty kúrkirep, naızaǵaı oınaǵanyn jazǵan edik.