Tún ortasynan keıin jumys istegen: Astanada 7 mekeme karantındi buzǵan
Máselen, tekserý barysynda Esil aýdanynyń monıtorıngilik toby «Priton» laýndj-bary jumys rejımin buzǵanyn, al «Greenway» ekotaýar dúkeniniń qyzmetkerleri maska rejımin saqtamaǵanyn anyqtaǵan.
Karantındik shekteýlerdi buzǵany úshin Baıqońyr aýdanyndaǵy «Bleak house» oıyn klýby da ákimshilik jaýapkershilikke tartyldy.
Sonymen qatar Saryarqa aýdanynda ornalasqan «Stambýl» kafesi tún ortasynan keıin kelýshilerdi qabyldaǵany belgili boldy.
Elorda ákimdiginen málim etkendeı, Almaty aýdanynda bir kúnde karantın rejımin buzǵan úsh mekeme anyqtaldy: «Chto býdet dalshe» bary, «Izbýshka» saýnasy, «Alanya» klýby.
«Jınalǵan materıaldar tıisti sharalar qabyldaý úshin Sanıtarlyq-epıdemıologııalyq baqylaý basqarmasyna joldandy.
Aıta keteıik, Nur-Sultan eki aıdan astam ýaqyt boıy epıdemıologııalyq jaǵdaıdy baǵalaý matrıtsasy boıynsha «qyzyl« aımaqta tur. Qaladaǵy epıdemıologııalyq jaǵdaı áli de turaqsyz bolyp otyr. Sol sebepti, elorda turǵyndary men qonaqtary, sondaı-aq kásipkerlik nysandary koronavırýstyń taralýyn boldyrmas úshin sanıtarlyq dárigerdiń qaýlysynda jazylǵan normalar men talaptardy, shekteý sharalaryn qatań saqtaýy kerek», - dedi qala ákimdiginen.
