Túmende qazaqstandyq ónimderdi satatyn saýda ortalyǵyn ashý usynyldy

ASTANA. QazAqparat - Reseıdiń Túmen qalasynda Qazaqstannyń resmı saýda-ekonomıkalyq ýákildigi saparmen júr, dep habarlaıdy QazAqparat tilshisi Qazaqstannyń Reseıdegi elshiliginiń resmı saıtyna silteme jasaı otyryp.

Resmı sapardy QR Investıtsııalar jáne damý mınıstrligi, «Atameken» UKP, Qazaqstannyń syrtqy saýda palatasy men Túmen oblysynyń saýda-ónerkásiptik palatasy birigip uıymdastyrdy.

Onyń aldynda qazaqstandyq deletsııa ókilderiniń Túmen oblysy gýbernatorynyń orynbasary Vadım Shýmkovpen Túmen tehnologııalyq parkinde kezdesýi ótti.

Kezdesý barysynda ekijaqty saýda aınalymyn ósirý, ónerkásiptik kooperatsııalar, ózara saýdany keńeıtý, uzaqmerzimdi seriktestik qarym-qatynasyn ornatý máseleleri qaraldy.

Qazaqstannyń barlyq óńirinen jınalǵan taýar ónimderi kórsetilgen soń V.Shýmkov Túmende qazaqstandyq kóterme-bólshek saýda ortalyǵyn ashý týraly usynys bildirdi. Sol sııaqty gýbernator orynbasary Astanada soǵan uqsas kóterme-bólshek saýda ortalyǵyn ashýdy nıet bildirdi. Gýbernator orynbasary óz kezeginde qazaqstandyq azyq-túlik ónimderine joǵary baǵa berdi.

Búgin iskerlik baılanys bırjasy jáne konferentsııa ótedi. Konferentsııa barysynda Qazaqstan men Túmen oblysynyń iskerlik qaýymdastyǵynyń resmı ókilderi saýda-ekonomıkalyq qarym-qatynasty damytý, ózara tıimdi yntymaqtastyq qurý men terrıtorııalardyń ınvestıtsııalyq áleýetin júzege asyrý taqyryptarynda baıandama jasalady dep kútilýde.

Sondaı-aq, áleýetti seriktistikti ornatý maqsatynda óńirlerdiń ózara iskerlik baılanysyn damytý jáne ýákildiktiń qatysýshylarymen tikeleı baılanys ornatý máseleleri qaralady.