Túmende qazaq mádenıetiniń kúnderi ótedi
ASTANA. QazAqparat - 22 jeltoqsanda Túmende qazaq mádenıetiniń kúnderi ótedi, dep habarlaıdy «QazAqparat» HAA ulttar isteri jónindegi óńirlik komıtettiń baspasóz qyzmetine silteme jasap.
Qazaqstan Respýblıkasynyń RF-daǵy elshiliginiń resmı saıtynyń habarlanýynsha, atalǵan sharalar Reseı men Qazaqstan arasyndaǵy dıplomatııalyq qarym-qatynastardyń 25 jyldyǵy jáne Túmen oblysyndaǵy qazaqtardyń ulttyq-mádenı avtonomııasynyń 10 jyldyǵyna arnalady.
«Torfıanık» Mádenıet saraıynda ótetin meıram qonaqtaryn qyzyq mádenı baǵdarlama kútip tur.
Kóshede kóshpendilerdiń dástúrli turmysy jaıynan syr shertetin kıiz úı tigiledi. Onda kelýshiler atqa minip, qazaqtyń halyq oıyndaryna qatysa alady. Shyǵarmashylyq sheberhanada kıiz basý, dombyra shertý, qobyz tartý sııaqty ónerlerdiń qyr-syry úıretiledi.
Kontsertke Túmen oblysy men Qazaqstannyń shyǵarmashylyq ujymdary men oryndaýshylary qatysady.
«Meıramnyń barsha qonaqtaryn qazaq halqynyń baı mádenı murasymen, rýhanı qundylyqtary jáne kóshpendiler órkenıetiniń tarıhymen tanystyrýdy ári Reseı men Qazaqstan halyqtaryn baılanystyratyn ózara qurmet, dostyq jáne tatý kórshilik dástúrlerin qoldaýdy qalaımyz», - deıdi Túmen oblysy qazaqstarynyń ulttyq-mádenı avtonomııasynyń prezıdenti Esenǵalı Ybyraev.
