Túmende eń sulý qazaq qyzyn tańdady (FOTO)
ASTANA. 18 jeltoqsan. QazAqparat - Túmenniń «Sulý qyz - 2012» («Qazaq arýy - 2012») ІІІ oblystyq ashyq baıqaýynyń jeńimpazy túmendik Marııash Jańbyrshınova boldy.
Vıtse-mıss ataǵyn Berdıýjskıı aýdanynan Asyl Keribaeva jeńip aldy, dep jazady «Vslýh.rý» portaly.
15 jeltoqsan kúni «Qurylysshy» ulttyq mádenıetter saraıynda ótken baıqaýdyń aqtyq saıysyna 16 qyz qatysty. Olardyń on ekisi - Túmennen.
Arýlar Qazaqstannyń memlekettik tilin jáne dástúrin bilýden jarysty, eldiń tól halqynyń bılerin jáne ánderin oryndady. Onymen qosa boıjetkender keshki kóılekterdiń úlgilerin kórsetti.
«Qurylysshylar» saraıy lyq toly boldy, arýlardy qoldaýǵa olardyń týǵandary, dostary jáne qazaq dıasporasynyń ókilderi jınaldy. Qazylar alqasynyń quramynda Qazaqstan Respýblıkasynyń Túmen oblysyndaǵy Qurmetti konsýly Seıalhan Makash, Túmen oblysyndaǵy Qazaqtardyń ulttyq-mádenı avtonomııasynyń prezıdenti jáne ókili Esimhan Jantasov jáne Esenǵalı Ybraev, «Qurylysshy» saraıynyń jáne ulttar isteri jónindegi óńirlik komıtettiń ókilderi boldy.
Jeńimpaz arý ótken jylǵydaı, jańa Daewoo Matiz kóligin aldy. Vıtse-mıske 30 myń rýbline sertıfıkat berildi.
