Túmen túbinde qazaqstandyq vahtashylar mingen avtobýs qatyp qala jazdady
ASTANA. QazAqparat - Túmen-Hanty-Mansıısk trassasynyń 22-shaqyrymynda Qazaqstan vahtashylary mingen avtobýs qatyp qala jazdady. Avtobýs Tobyl qalasynan Qostanaıǵa kele jatqan. Jaǵarmaı muz bolyp qatyp, avtobýs qozǵaltqyshy isten shyqqan. Kezekshilikke shyqqan jol qozǵalysy qaýipsizdigi jónindegi memlekettik ınspektsııa olardy der kezinde taýyp aldy, dep habarlaıdy «Komsomolskaıa pravda-Tıýmen».
Jol-patrýl qyzmeti TJM shaqyryp, jolaýshylarǵa óz termostarynan shaı quıyp berdi. Embaevo aýyldyq ákimshiliginiń basshysy ýaqytsha turý ornyn daıyndady. Vahtashylardyń eshqaısysy zardap shekken joq. Oblystaǵy memlekettik avtoınspektsııanyń habarlaýynsha, qozǵalys qaýipsizdigi úshin jolaqtardyń biri ýaqytsha jabyldy, dese de kólik qozǵalysynda esh qıyndyq týyndaǵan joq.
Avtobýs otaldy jáne jolaýshylar jaqyn arada jolǵa shyǵady. Biraq, avtobýsqa tehnıkalyq tekserý júrgizý barysynda qaýipsizdik belbeýleriniń joq ekeni anyqtalyp, tehnıkalyq jaramsyz dep tanyldy.
