Túmen qazaqtary «Qozy Kórpesh-Baıan sulý» kúnin atap ótti

ASTANA. QazAqparat - Reseıdiń Túmen qalasyndaǵy «Stroıtel» ulttar mádenıeti saraıynda Qozy Kórpesh-Baıan sulý spektakli qoıyldy, dep habarlaıdy «QazAqparat» HAA RF-daǵy Qazaqstan Elshiliginiń saıtyna siltememen.

Shara 15 sáýir - qazaqtardyń Ǵashyqtar kúni merekesine oraı ótti. Bul kún Reseıde 2011 jyldan beri atalyp ótip kele jatyr.

Rólderdi Túmen oblysy qazaqtary ulttyq-mádenı avtonomııasynyń jas belsendileri somdady. Eń kishisi - 12 jasta, eń úlkeni - 28 jasta. Ujym shyǵarmashylyq jumysty júzege asyrýǵa barynsha jaýaptylyq tanytqan.

Shara sońy «Stroıtel» ulttar mádenıeti saraıynyń jas belsendileri men  qazaqtardyń shyǵarmashylyq ujymy daıarlaǵan kontsertke ulasty.