Túmen - Hanty-Mansıısk tas jolynda 11 bala ajal qushty
ASTANA. QazAqparat - Reseı Federatsııasynyń Hanty-Mansıısk avtonomdy okrýginde jolaýshylar avtobýsynyń qatysýymen bolǵan jol-kólik apatynda qaza bolǵan balalardyń sany 11-ge jetti, dep habarlaıdy Reseı jańalyqtar agenttigi shuǵyl qyzmetterdegi derekkózge silteme jasap.
Buǵan deıin habarlanǵandaı, Túmen - Hanty-Mansıısk tas jolynda avtobýs, júk kóligi jáne eki jeńil mashına soqtyǵysty. Jergilikti bılik ókilderiniń málimetinshe, avtobýsta sporttyq akrobatıka boıynsha jarysqa qatysyp, Hanty-Mansııskiden Nefteıýganskige qaıtyp kele jatqan balalar komandasy bolǵan.
RF Tótenshe jaǵdaılar mınıstrligi Ýralsk óńirlik ortalyǵynyń aqparatynsha, aýrýhanaǵa jetkizilgen 23 adamnyń 20-sy - balalar.
«On adam, sonyń ishinde toǵyz bala oqıǵa ornynda kóz jumdy, taǵy eki bala emdeý mekemelerine jetkizý kezinde kóz jumdy», - dep atap ótti agenttiktiń suhbattasy.
Onyń aıtýynsha, 22 adam, sonyń ishinde 16 bala túrli dárejedegi dene jaraqattarymen Hanty-Mansıısk qalasyndaǵy Okrýgtik klınıkalyq aýrýhanaǵa jetkizildi.
