Tumaýmen aýyrǵandar sany 2 esege azaıdy - Alekseı Tsoı

NUR-SULTAN. QazAqparat – Jedel respıratorlyq vırýstyq ınfektsııalardyń tómendeýi turǵyndardyń, onyń ishinde halyqtyń osal toptarynyń tumaýǵa qarsy vaktsına ektirýimen, maska rejımin, áleýmettik qashyqtyqty saqtaýymen baılanysty. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Qazaqstanda osy epıdemııalyq maýsymda JRVI men tumaý aýrýynyń tómendeýi baıqalady. Ótken epıdemııalyq maýsymmen salystyrǵanda syrqattaný deńgeıi 2,2 esegazaıdy. Jedel respıratorlyq vırýstyq ınfektsııalardyń tómendeýi turǵyndardyń, onyń ishinde halyqtyń osal toptarynyń tumaýǵa qarsy vaktsına ektirýimen, maska rejımin, áleýmettik qashyqtyqty saqtaýymen, uıymdasqan ujymdardyń oqshaýlanýymen (mektepke deıingi uıymdar, mektepter, kolledjder men joǵary oqý oryndary) baılanysty», - deıdi QR Densaýlyq saqtaý mınıstri Alekseı Tsoı.