Tumaýǵa qarsy vaktsınany kimder tegin ala alady
«19 qyrkúıekte tumaý men JRVI boıynsha sanıtarııalyq-profılaktıkalyq, sanıtarııalyq-epıdemııaǵa qarsy is-sharalardy júrgizý týraly qaýlyǵa qol qoıdym. Qaýlyǵa sáıkes medıtsınalyq uıymdar 3 qazannan bastap tumaýǵa qarsy ımmýndaý jumysyn bastaýy tıis. Onyń ishinde tumaý jáne JRVI-men aýyratyn naýqastardy qabyldaýǵa daıyndyǵy pysyqtalyp, zerthanalardyń zertteý júrgizýge daıyndyǵy qamtamasyz etildi», - dedi densaýlyq saqtaý vıtse-mınıstri Aıjan Esmaǵambetova ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, vıtse-mınıstr tumaýǵa qarsy vaktsına alý protsesine qatysty túsinik berdi.
«Tumaýǵa qarysy vaktsınany memleket esebinen, ıaǵnı tegin halyqtyń anaǵurlym osal toptary alatynyn eskertkim keledi. Sonymen qatar, vaktsınatsııalaý jumys berýshilerdiń qarajaty men halyqtyń jeke qarajaty esebinen júredi. Vaktsınatsııa jeke ortalyqtar men turǵylyqty jeri boıynsha emhanalarda júrgiziledi. Tumaýǵa qarsy vaktsınatsııa júrgizetin medıtsınalyq mekemelerdiń mekenjaıyn aımaqtyq sanıtarııalyq-epıdemıologııalyq baqylaý departamentterinen jáne densaýlyq saqtaý basqarmalarynan bilýge bolady», - deıdi ol.
