Tumaýǵa qarsy vaktsınany qaı sanattaǵy adamdarǵa alýǵa bolmaıdy
NUR-SULTAN. QazAqparat – Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov tumaýǵa qarsy vaktsınany qaı sanattaǵy adamdarǵa alýǵa bolmaıtynyn túsindirdi, dep habarlaıdy QazAqparat tilshisi.
«Tumaýǵa qarsy vaktsına taýyq aqýyzyna shydamsyzdyǵy bar adamdarǵa salynbaıdy. Sebebi tumaýǵa qarsy vaktsınanyń quramynda osyndaı aqýyz bar. Sozylmaly aýrýlarmen aýyratyn, vaktsına komponentterine allergııalyq reaktsııasy bar adamdarǵa vaktsınatsııadan bas tartýǵa keńes beremiz. Jumsaq aýyrlyqtaǵy ótkir respıratorlyq vırýstyq ınfektsııalarmen, ótkir ishek aýrýlarymen aýyrǵan kezde vaktsınatsııa temperatýra qalypqa kelgennen keıin júrgiziledi. 6 aıǵa deıingi sábıler men júktiliktiń birinshi trımestrinde vaktsınatsııa jasalmaıdy», - deıdi Tımýr Muratov BAQ-qa taratqan aqparatynda.
Onyń aıtýynsha, elordada vaktsınatsııa qyrkúıektiń alǵashqy kúnderi bastalǵan. Qarasha aıynyń basyna deıin jalǵasady. Qala turǵyndaryn vaktsınatsııalaý úshin basqarma 110 myń doza vaktsına satyp alǵan. Sonymen qatar alda taǵy 42 myń doza vaktsına satyp alynbaq.
Eske sala ketsek, buǵan deıin Nur-Sultanda 24 myńnan astam adam tumaýǵa qarsy ekpe saldyrǵany habarlanǵan bolatyn.
