Tumaýǵa qarsy vaktsına satyp alýǵa 645 mln. teńge bólindi
ASTANA. 18 mamyr. QazAqparat - Tumaýǵa qarsy vaktsına satyp alýǵa 645 mln. teńge bólindi. Bul týraly búgin brıfıng barysynda Memlekettik sanıtarlyq-epıdemıologııalyq qadaǵalaý komıtetiniń basqarma bastyǵy Aıtmaǵambet Jolshorınov aıtty.
Onyń aıtýynsha, aǵymdaǵy epıdemııalyq maýsymda tumaýǵa qarsy 1 mln-nan astam nemese respýblıkanyń jalpy turǵyndarynyń 6,4 paıyzy egilgen. Bul kórsetkish ótken maýsymǵa qaraǵanda 1,3 esege joǵary.
«Aldaǵy epıdemııalyq maýsymǵa qarsy vaktsınany satyp alý úshin 645 mln. teńgeden astam qarjy bólindi. Qaziri ýaqytta ony satyp alý boıynsha rásimder júrgizilýde», - dedi ol.
