Tumaýǵa qarsy vaktsına kimderge tegin salynady

ALMATY. QazAqparat - Almaty qalalyq qoǵamdyq densaýlyq saqtaý basqarmasy kimge tumaýǵa qarsy ekpe tegin salynatynyn málim etti, dep habarlaıdy QazAqparat tilshisi.

«Tumaýǵa qarsy ekpe jyl saıyn salynady. Qazir Almatyda tumaýǵa qarsy vaktsına salýǵa daıyndyq jumysy júrgizilip jatyr. Tumaý – tynys alý joldarynyń jiti aýrýy. Tumaý kezinde bas aýyryp, adamnyń ımmýnıteti álsireıdi»,- dep atap ótti basqarmadaǵylar.

Bıyl tumaýǵa qarsy ekpe salý 1 qazanan bastalady. Salynatyn «Grıppol plıýs» vaktsınasy Reseıde óndirilgen.

«Birinshi kezekte, qaýip tobyndaǵy turǵyndarǵa salynady. Vaktsınatsııa bastalǵanǵa deıin epıdemıologııalyq qyzmet emhananyń ýchaskelik qyzmetimen birlesip, aqysyz ekpe jasaý úshin táýekel tobynyń tizimin jasaıdy. Olar: sozylmaly aýrýy bar balalar, medıtsına qyzmetkerleri, júkti áıelder, jabyq tıptegi mekemelerdiń medıtsınalyq qyzmetkerleri (balalar úıi, mektep ınternaty, balalarǵa/múgedekterge arnalǵan mektep-ınternattary), qarttar men múgedekter úıleriniń kontıngenti», - dep naqtylady densaýlyq saqtaý basqarmasy.

Ekpe saldyrar aldynda azamat óziniń ýchaskelik dárigeriniń tekserýinen ótedi, onyń ınfektsııalyq aýrý juqtyrǵandarmen baılanysta bolǵan-bolmaǵany jaıly suraıdy.

Dene qyzýy ólshenip, eshqandaı qarsy kórsetkishter bolmasa, vaktsına salynady.

Aqyly negizde jeke medıtsınalyq uıymdarda tumaýǵa qarsy vaktsınatsııa júrgiziledi.

Ol turǵyndardyń ótinishi boıynsha erikti túrde jasalady.