Tumaýǵa qarsy tegin vaktsınany qaı jerde alýǵa bolady

NUR-SULTAN. QazAqparat – Ulttyq densaýlyq saqtaý ortalyǵy ınfektsııalyq aýrýlardyń aldyn alý departamentiniń dırektory Jumabek Bekenov tumaýǵa qarsy vaktsınanyń baǵasyn aıtty, dep habarlaıdy QazAqparat tilshisi.

«Bizde táýkel toby bar. Ol adamdarǵa mindetti túrde bıýdjet esebinen 2 mln doza satyp alyndy. Juqpaǵa qarsy ekpeler eldi mekenderdegi turǵylyqty jerine jaqynda ornalasqan medıtsınalyq mekemelerde (emhanalarda) jasalady. Jalpy, óziniń qarjysy esebinen ekpe alamyn degenderge aqyly túrde uıymdastyrylady. Vaktsınany daıyndaǵan eline baılanysty ekpe baǵasynda aıyrmashylyq bolady. ıAǵnı reseılik ári Frantsııa vaktsınalary bar. «SQ-Farmatsııa» málimetinshe, olardyń baǵasy 2200 teńgeden 4500 teńge aralyǵynda», - dedi departament basshysy Ortalyq kommýnıkatsııalar qyzmetinde.

Onyń sózine qaraǵanda, Reseıdegi tumaý shtamdary Qazaqstanda taraǵan shtammen uqsas. Sebebi eki el de bir klımattyq beldeýde ornalasqan.

«Biz halyqtyń 10 paıyzynan astamyn bıýdjet esebinen qamtamasyz etpekpiz. Bul óz kezeginde aýrýdyń tómendeýine eleýli áser etedi», - dedi J. Bekenov.

Budan buryn habarlanǵandaı, «SQ-Farmatsııa» tarapy «Grıppol plıýs» vaktsınasynyń 2 mıllıonnan astam dozasyn satyp aldy.