Tumaýǵa qarsy ekpeni qazan aıynda alǵan durys- dáriger
PAVLODAR. QazAqparat - Tumaýǵa qarsy ımmýnıttiń qalyptasýy úshin eki-úsh apta kerek. Sondyqtan qazan aıynyń basynda ekpe alǵan durys, dep habarlaıdy pavlodarnews.kz.
Bul týraly óńirlik kommýnıkatsııalar qyzmetinde ótken baspasóz máslıhatynda oblystyq qoǵamdyq densaýlyq saqtaý departamentiniń basshysy Irına Sorokına málim etti.
11 qazanda bastalatyn epıdemııalyq maýsym 1 sáýirdiń sońyna deıin jalǵasady. Boljamǵa sáıkes, Qazaqstanda tumaýdyń A (H1N1) - Mıchıgan, A (H3N2) - Sıngapýr jáne B - Kolorado vırýs shtammdary tirkeledi dep kútilýde. Olardyń eń qaýiptisi «Sıngapýr» tumaýy, sebebi bul shtammǵa qarsy halyqta ımmýnıtet qalyptaspaǵan jáne vırýs tez taralýy múmkin. Atalmysh shtammdar aǵymdaǵy maýsymda qoldanylatyn vaktsınanyń quramyna engizilgen. A (H1N1) shtammyna qarsy elimizde halyqtyń 20 paıyzynda ǵana ımmýnıtet bar» - deıdi Irına Sorokına.
Spıkerdiń aıtýynsha, 2018 jyly jergilikti bıýdjet qarajatyna Reseıde shyǵarylǵan «Grıppol+» vaktsınasynyń 58 myń 968 dozasy satyp alynǵan. Bul maqsatqa 51 mln 580 myń teńge jumsalǵan. Ekpe oblystyq qoımadan óńirdiń medıtsınalyq uıymdaryna jıi aýyratyn, sozylmaly aýrýlary bar, balalar úıi, sábıler úıindegi balalarǵa, qarttarǵa, medıtsınalyq qyzmetkerler men júkti áıelder úshin jetkizildi.
«Vaktsınadan basqa, adam kóp jınalatyn jerlerde júrýden aýlaq bolý, qoǵamdyq kólik pen daladan kelgen soń qoldy sabynmen jýý, ǵımarattardy jıi jeldetý, úıdi jıi tazalaý, S vıtamıni bar taǵamdardy kóbirek tutyný qajet ekenin esten shyǵarmaǵan durys. «Grıppol +» shamamen 1500-2000 teńge turady. Balalardy alty aıdan bastap egýge bolady. Keıbireýler jıi aýyrǵan jaǵdaıda ekpe alýdyń qajeti joq dep oılaıdy. Kerisinshe, ekpe almaǵan jaǵdaıda barlyq sozylmaly aýrý qozǵalady. Ázirge tumaýǵa shaldyqqandar joq. Jyl boıy ótkir respıratorlyq vırýsqa baqylaý júrgiziledi. Ádette tumaýdyń alǵashqy oqıǵasy jeltoqsan aıynda tirkeledi», - deıdi sanıtarlyq bas dáriger.
