Tumaýǵa qarsy ekpeden keıin asqynýlar qandaı jaǵdaıda bolady
«Vaktsınatsııa jasaý kezinde top nemese brıgada jumys isteıdi. Sondaı-aq onyń quramyna mindetti túrde terapevt kiredi. Óıtkeni, ol ekpe jasaý aldynda júgingen adamdy tekserip, saýalnama júrgizedi, dene qyzýyn ólsheıdi. Eń bastysy, adam sol ýaqytta aýrýǵa shaldyqpaǵan, deni saý bolýy tıis», - dedi ol.
Onyń aıtýynsha, jiti respıratorlyq vırýstyq ınfektsııamen aýyryp júrgen adamǵa vaktsına egetin bolsa, onda syrqat asqynyp ketýi múmkin.
«Sonymen qatar tumaýmen aýyryp júrgen kezde der ýaqytynda dáriger kómegine júginbese jáne ózin-ózi emdeıtin bolsa, onda aýrýdyń asqyný táýekeli joǵary. Tolyqtaı alǵanda, tumaýǵa qarsy vaktsına jasatý qaýipti emes jáne odan aýrýdyń asqynýy is júzinde bolmaıdy», - dedi Jandarbek Bekshın.
Onyń sózine qaraǵanda, álemniń kóptegen elderinde tumaý men jiti respıratorlyq vırýstyq ınfektsııaǵa kóshelerde de ekpe júrgize beredi.
«Tipti, metro ótkelderinde, uıymdarda da sala beredi. Bul tumaýǵa qarsy ekpeniń qaýipsiz ekendigin bildiredi. Erterekte biz birneshe márte qoldanylatyn shprıtsti paıdalanatynbyz. Al qazir shprıts-doza qoldanylady. Sondyqtan búginde vaktsına jasatýdan asqyný oryn almaıdy. Eger qyzarý nemese temperatýranyń kóterilýi oryn alatyn bolsa, bul aǵzanyń durys reaktsııasy degen sóz. ıAǵnı, aǵza ımmýnıtettiń qajetti deńgeıin qalyptastyrady. Bul adamnyń tumaýdyń barynsha aýyr túrlerinen jáne olardyń asqynýynan qorǵalǵandyǵyn bildiredi», - dedi Bas dáriger.