Tumaýǵa qarsy aqyly vaktsına quny 1800-2500 teńge aralyǵynda bolmaq
ASTANA. 2 qazan. QazAqparat - Tumaýǵa qarsy aqyly vaktsına quny 1800-2500 teńge aralyǵynda. Bul týraly búgin QR Densaýlyq saqtaý mınıstrligi Epıdemıologııalyq qadaǵalaý komıtetiniń basqarma basshysy Aıtmaǵanbet Jolshorınov málim etti.
«Qazaqstanda tumaýǵa qarsy 2 vaktsına tirkelgen. Onyń biri - Frantsııada óndiriletin Vaksıgrıpp, al ekinshisi - Nıderlandııadan shyǵatyn Inflıývak vaktsınasy. Osy 2 vaktsınada adam aǵzasyna qaýipsiz, sertıfıkattalǵan. DDU-nyń ruqsaty bar», - dedi ol.
Onyń atap ótýinshe, memleket bıýdjet qarajaty esebinen halyqtyń barynsha osal toptaryn, balalardy, medıtsına qyzmetkerleri men júkti áıelderdi tumaýǵa qarsý egý josparlanǵan. Sonymen qatar qosymsha jumys berýshi esebinen jáne aqyly negizde vaktsınalaý kózdelip otyr.
«Aqyly kabınetterdegi tumaýǵa qarsy vaktsınanyń quny árbir óńirde kólik shyǵystaryna oraı 1800-den 2500 teńgege deıin», - dedi A.Jolshorınov.
