Tumaýǵa baılanysty 8 mektep jáne 3 balabaqsha jabyldy
ASTANA. QazAqparat - Qazaqstanda jappaı tumaý men juqpaly respıratorly vırýstıa ınfektsııa (JRVI) tirkelýde, dep habarlaıdy «QazAqparat» HAA tilshisi QR Tutynýshylar quqyqtaryn qorǵaý komıtetine silteme jasap.
«Epıdemııalyq maýsymnyń bastalýymen, 3 aqpan kúni 380 myńnan astam JRVI, sonyń ishinde 1831 tumaý jaǵdaıy tirkeldi. JRVI-men aýyrǵandardyń negizgi bóligin, ıaǵnı 65 % 14 jasqa deıingi balalar quraıdy. Salystyrmaly túrde JRVI-men aýyrǵan oqýshylar 20%, tumaýmen aýyrǵan oqýshylar 13% boldy. Ótken aptada JRVI jáne tumaýmen aýyrý kólemi aptalyq epıdemııalyq shekten asqan joq», - delingen habarlamada.
Epıdemııaǵa qarsy jedel sharalar qabyldaý maqsatynda 1 jeltoqsannan beri halyqtyń ótkir respıratorly juqpaly ınfektsııamen jáne tumaýmen aýyrý jaǵdaıyna kúndelikti monıtorıng júrgizilýde. Osy máseleni eskere otyryp, tutynýshylar quqyqtaryn qorǵaý komıtetiniń aýmaqtyq bólimsheleriniń keńesimen bilim berý basqarmalary epıdemııalyq maýsym bastalǵaly 26 tárbıeleý jáne bilim berý uıymdaryndaǵy oqý protsesin ýaqytsha toqtatty. Tórt mektepte oqý protsesi qaıta jalǵasty.
3 aqpanǵa deıin Soltústik Qazaqstan jáne Shyǵys Qazaqstan oblystarynda 8 mektep pen 3 mektepke deıingi mekeme ýaqytsha jabyldy, SQO-nyń 11 mektebinde ishinara synyptarda oqý úderisi toqtatyldy.
