Tumaýdyń jańa túrleri alańdatýda - Bas sanıtarlyq dáriger

ASTANA. QazAqparat - Búgin Astanada ótken keńes barysynda elimizdiń Bas sanıtarlyq dárigeri Jandarbek Bekshın Qazaqstandy jáne bútin álemdi alańdatyp otyrǵan tumaýdyń jańa túrleri týraly aıtty, dep habarlaıdy QazAqparat tilshisi.

«Kóptegen adam tumaýǵa mán bere bermeıdi. Esterińizge sala keteıin, barlyq arýlardyń  asqynýlaryna 70-80 paıyz jaǵdaıda tumaý men jiti respıratorlyq ınfektsııalar áser etedi. 2009-2010 jyldary H1N1 tumaýy shyqqan kezde ólimmen aıaqtalǵan jaǵdaılar boldy. Elimizde 20-dan astam adamnyń ólimi  tirkeldi. Byltyr tumaýdan 1 naýqas qaıtys boldy. Al bıyl bizdi tumaýdyń jańa túrleriniń shyǵýy alańdatady», - dedi ol.

Bas dárigerdiń aıtýynsha, tumaýdyń qazirgi ýaqytta taralǵan Mıchıgan, Kolorado syndy túrleri alańdatyp otyr.

«Sebebi jańadan shyǵyp jatqan tumaýlarǵa qarsy adamdardyń ımmýnıteti qalyptasyp úlgermegen. Sondyqtan muny biz baqylaýymyzǵa alyp otyrmyz», - dedi Jandarbek Bekshın.

Onyń sózine qaraǵanda, tumaýdyń taralýy qazan men qarasha aılarynda bastalady. Al sharyqtaý shegi qańtar aıynyń ortasyna týra keledi.

Dúnıejúzilik densaýlyq saqtaý uıymynyń usynysy boıynsha 2018-2019 jyldarǵy epıdemıologııalyq maýsymǵa jańa vaktsına jetkizildi. Bul reseılik «Grıppol+» vaktsınasy. Onyń quramynda tymaýdyń úsh tıpi bar. Atap aıtqanda, úsh shtamm arasynda A (H1N1) - Mıchıgan, A (H3N2) - Sıngapýr, V - Kolorado vırýstary qamtylǵan.