Tumaýdyń taralýymen kúrestiń eń tıimdi joly - vaktsınatsııa
ALMATY. Qazannyń 19-y. QazAqparat /Erlik Erjanuly/ - Vaktsınatsııa tumaýmen aýyrýdy orta eseppen 2 ese azaıtady.
Bul jaıly búgin Almatyda "Qazaqstandaǵy grıpp jáne jedel respıratorlyq vırýstyq ınfektsııalarǵa shaldyǵýshylyq boıynsha boljam. Aldyn alý sharalary" dep atalatyn baspasóz máslıhatynda QR Densaýlyq saqtaý mınıstrligi Sanıtarlyq-epıdemıologııalyq saraptaý jáne monıtorıngteý ǵylymı-tájirıbelik ortalyǵynyń Epıdemıologııalyq monıtorıng jáne táýekeldi baǵalaý bóliminiń meńgerýshisi Aınagúl Qýatbaeva aıtty.
Onyń aıtýynsha, bıyl jedel jedel respıratorlyq vırýstyq ınfektsııalar (JRVI) men tumaý dertiniń taralýy aıtarlyqtaı tómendedi. Máselen, 9 aıda elimizde 746 129 jedel respıratorlyq vırýstyq ınfektsııalary (JRVI) men 192 grıpp jaǵdaıy tirkeldi. Bul byltyrǵy jyldyń sáıkes kezeńimen salystyrǵanda JRVI-dyń - 12 paıyzǵa, al tumaýda 3,6 esege tómendegenin kórsetedi.
"Bıyl buǵan deıingi jyldarmen salystyrǵanda jedel respıratorlyq vırýstyq ınfektsııalar men tumaý aýrýy taralýynyń kemýi jalǵasady. Buǵan derttiń aldyn alý jumystarynyń jolǵa qoıylýy óz septigin tıgizbek. Al eń tıimdi joly -vaktsınatsııa. Egilgen adamdarda aýrý jeńil ótedi jáne asqynýlar damymaıdy", -deıdi A. Qýatbaeva.
Onyń sózine qaraǵanda, medıtsına mekemeleri qazirgi tańda grıpke qarsy apparattarmen qamtamasyz etilip, qyzmetkerler egý jumystaryn belsendi túrde júrgizýde.
