Tumaýdyń kimder úshin erekshe qaýipti ekeni anyqtaldy
ASTANA. QazAqparat - Tumaý jáne onyń saldary ásirese júkti áıelder men asa semizdikten zardap shegetinder úshin aıryqsha qaýipti. Clinical Infectious Diseases jýrnalyna maqala jarııalaǵan ǵalymdar osyndaı pikirdi alǵa tartyp otyr, dep habarlaıdy QazAqparat.
«Maýsymdyq ekpeler ádette kópshilikke kómektesedi, biraq sonyń ózi vırýstan tolyq qorǵaýǵa kepildik bere almaıdy. Qaýip-qater tobyna kiretin adamdar osy aýrýdyń alǵashqy belgileri bilingennen-aq dárigerge qaranǵany abzal», - deıdi AQSh Vaktsınatsııa jáne respıratorlyq aýrýlar ortalyǵynyń bas dárigeri Tımotı Ýıekı (Timothy Uyeki).
Vırýstyń A, V jáne S sııaqty túrleriniń bolýy onymen kúresýdi qıyndatyp otyr. Aýrýdyń dál qaı túri beleń alatynyn kúni burynnan boljaý óte qıyn. Dári egýdiń ózi shtamdardyń barlyǵyna birdeı ımmýnıtet qalyptastyrmaıdy.
DDSU derekterine súıensek, byltyrdyń ózinde osy juqpaly dertten jáne onyń saldarynan 650 myńnan astam adam qaıtys bolǵan. Aıta keteıik, bul kórsetkish 2005 jylǵydan shamamen úsh ese kóp.
