Tumaýdan qalaı qorǵanýǵa bolady
NUR-SULTAN. QazAqparat – QR DSM Qoǵamdyq densaýlyq saqtaý ulttyq ortalyǵy JRVI jáne tumaýmen aýyryp qalmaý úshin ne isteý kerektigin túsindirdi, dep habarlaıdy QazAqparat tilshisi.
«Tumaý jyl saıyn kóptegen elderde epıdemııalyq taralýǵa jatatyn jahandyq ınfektsııa bolyp sanalady. DDSU tumaý jónindegi sarapshylarynyń málimetteri boıynsha, álemde jyl saıyn epıdemııa kezinde halyqtyń 5 – 15 paıyzy aýyrady. Qazaqstanda, álemniń basqa elderindegideı tumaý jáne JRVI densaýlyq saqtaýdyń ózekti máseleleriniń biri. Infektsııalyq aýrýlardyń qurylymynda tirkelgen ınfektsııalyq aýrýlardyń 90 paıyzǵa jýyǵy osy ınfektsııalarǵa keledi.
«Tumaý merzimi bastalǵanǵa deıingi jyl saıynǵy vaktsınatsııa – eń tıimdi ádis. Bul óz kezeginde aýrýdyń aýyr túrlerin, aýrýhanaǵa túsýdi, ólim-jitimdi tómendetedi, tumaýdy juqtyrýdy azaıtady. Vaktsınatsııa qaýipsiz. Vaktsınatsııadan keıin keıbir adamdarda ekpe jasaǵan jerde qyzarý jáne aýyrsyný, bas aýyrýy jáne bulshyqet aýyrýy, azǵana dene qyzýy, álsizdik ,júrek aınýy sııaqty janama áserleri bolýy múmkin. Bul áserler tez taralady», - delingen ortalyq málimetinde.
Osy oraıda mamandar aldyn alý maqsatynda naýqas adammen baılanysta bolmaýǵa tyrysý, naýqastardyń janyndabetperde kııý, ınfektsııa taralmaýy úshin qoldy sabynmen nemese antıbakterıaldyq quraldarmen jýý; jótelgende jáne túshkirgende muryndy jáne aýyzdy bir rettik oramaldy paıdalanyp jabý, kóp adam jınalǵan jerlerde bolmaýǵa tyrysý, bólmeni jıi jeldetip otyrý sekildi sharalardy iske asyrýǵa shaqyrdy.
«Eger Siz aýyryp qalǵan jaǵdaıda, onda basqa adamdarǵa juqtyrmaý jáne qaýipti asqynýlardy boldyrmaý maqsatynda úıde bolyńyz. Ózińizdi múmkindik bolǵansha otbasynyń basqa múshelerinen oqshaýlańyz. Aýrýdyń alǵashqy belgilerinde dárigerdi shaqyrtyńyz, bir rettik oramaldardy paıdalanyńyz. Atap aııqanda, dárýmenderge baı suıyqtyqtar ishken jón», - deıdi ortalyq mamandary.
Dúnıejúzilik densaýlyq saqtaý uıymy usynysyna toqtalsaq, eger adam 65 jastan assa, tumaýǵa qarsy vaktsınatsııa jasaǵan durys. Óıtkeni jas úlkeıgen saıyn ımmýndyq júıe álsireıdi.
Tumaýǵa qarsy merzimdik vaktsınatsııa – júktilik kezinde ana men bala úshin jaqsy tańdaý. Vaktsınatsııalaý júktiliktiń barlyq kezeńinde qaýipsiz.
Eger Sizde sozylmaly aýrýlaryńyz bar bolsa, vaktsınatsııa jasatyńyz.
DDSU kúz mezgilinde barlyq medıtsına qyzmetkerleriniń tumaýǵa qarsy egilýin usynady.
