Tumaý men JRVI órshise de oqýshylar nege onlaın oqymaı jatyr – mınıstr jaýaby
«Ótken jyldyń jeltoqsan aıynda Densaýlyq saqtaý vıtse-mınıstri elde JRVI jáne tumaýdyń 2 mıllıonnan astam jaǵdaıy tirkelgenin, ony kóbi balalar ekenin aıtty. Mundaı jaǵdaıda balalar nege onlaın format oqymaıdy?», - dep surady qoldanýshy «Ashyq dıalog» portalynda.
Mınıstrdiń aıtýynsha, oqýshylardyń sabaǵyn epıdemıologııalyq sebeppen onlaın formatqa aýystyrý eki jaǵdaıda qoldanylýy múmkin.
Elimizdiń bas sanıtar dárigeriniń 2022-2023 jyldardaǵy epıdemııalyq maýsymǵa daıyndyq týraly №30 qaýlysy boıynsha jedel respıratorlyq vırýstyq ınfektsııalarmen jáne tumaýmen syrqattaný kórsetkishi bir ınkýbatsııalyq kezeń ishinde bir synypta 20%-dan 30%-ǵa deıin mólsherde tirkelse, jalpy bilim beretin uıymdarda oqytýdyń kabınettik júıesin joıý usynylady.
«Sonymen birge kúntizbelik on kún ishinde ondaı synyptarǵa jańa oqýshy qabyldaýǵa tyıym salýǵa keńes beriledi. Al bir ınkýbatsııalyq kezeńde syrqattaný kórsetkishi 30% jáne odan da kóp tirkelgen jaǵdaıda oqýshylar kúntizbelik on kúnge onlaın oqytýǵa kóshiriledi. Ári qaraı saýyǵyp ketken oqýshylar oflaın oqytýǵa aýystyrylyp, aýrý belgileri bar oqýshylar saýyqqanǵa deıin onlaın oqı beredi. Sondaı-aq aýmaqtarda shekteý is-sharalary aýrýshańdyqtyń apta saıynǵy kórsetkishi baqylaý deńgeıinen asyp ketse nemese JRVI, tumaýmen syrqattanýshylyq kórsetkishteri ótken aptamen salystyrǵanda 1,5 jáne odan da kóp ese ósken kezde engiziledi», - dep túsindirdi mınıstr.
