Tumaý men koronavırýsty medıtsınalyq tekserýsiz ajyratýǵa bola ma
ALMATY. QazAqparat – Qazir adamdar tamaǵy jybyrlap, azdap jótelse de qaýiptenip, alańdaı bastaıdy. Halyq óz betinshe, úı jaǵdaıynda tumaý men koronavırýs belgilerin ajyrata almaıdy. Bul týraly Qazaqstan profılaktıkalyq medıtsına akademııasynyń prezıdenti Almaz Sharman onlaın brıfıng barysynda aıtty, dep habarlaıdy QazAqparat tilshisi
«Tumaý men koronavırýstyń uqsastyǵy bar. Bul ekeýinde de álsizdik baıqalady, dene qyzýy kóteriledi, naýqas kóbine jata bergisi keledi. Bir qaraǵanda bul eki aýrýdyń sımptomdary birdeı jáne olardy ajyratý múmkin emes sııaqty kórinedi»,– deıdi Almaz Sharman
Onyń aıtýynsha, tumaý kezinde adam birneshe kúnnen keıin ózin jaqsy sezine bastaıdy, al koronavırýsta kerisinshe, kún ótken saıyn jaǵdaı nasharlaı beredi.
«Tumaý men koronavırýsty qarapaıym adam, úı jaǵdaıynda ajyrata almaıdy. Sondyqtan, qandaı da bir belgileri anyqtalsa, birden medıtsınalyq mekemelerge júgingenderi abzal. Keseldi indetti tek arnaıy zerthanalyq tekserý arqyly anyqtaýǵa bolady»,– dedi ol.
Sonymen qatar, ol turǵyndardy óz betinshe emdelmeýge shaqyrdy.
