Tumaý men koronavırýsty qalaı ajyratýǵa bolady
NUR-SULTAN. QazAqparat – Álem boıynsha koronavırýsty 100 myńnan astam adam juqtyrdy. Buqaralyq sharalardyń ótpeıtinin, reısterdiń shegerilgenin aqparattardan estip otyrǵan halyq tamaǵy jybyrlap, azdap jótelse de, qaýiptenip, alańdaýy múmkin. Sol sebepti tumaý men koronavırýs belgilerin ajyrata bilgen jón, dep jazady CNN.
«Medıtsına jáne ınfektsııalyq aýrýlar professory men vaktsınalardy zertteý tobynyń dırektory Greg Polsha allergııa, tumaý men koronavırýs sımptomdary týraly suhbat berdi», - dep jazady agenttik.
Mamandardyń aıtýynsha, murynnyń bitelip, kózdiń qyshýy – allergııa belgisi.
«Mezgildik allergııa muryn men kózge áser etedi. Keıde dene bórtýi múmkin», - deıdi professor. Onyń aıtýynsha, koronavırýs pen tumaý sımptomdary júıeli sıpatta bolady.
«Tumaý men jańa koronavırýs basqa da aǵzaǵa áser etedi. Mysaly, tynys alý joldaryna áser etýi múmkin. Bul ekeýinde de álsizdik baıqalady, emdelýshi kóbine jata bergisi keledi. Bir qaraǵanda bul eki aýrý sımptomdary birdeı jáne olardy ajyratý múmkin emes sııaqty kórinedi», - dep jazady avtor.
Onyń aıtýynsha, tumaý kezinde adam birneshe kúnnen keıin ózin jaqsy sezine bastaıdy, al koronavırýsta kerisinshe, kún ótken saıyn jaǵdaı nasharlaı beredi.
«Koronavırýs kezinde demikpe baıqalady. Degenmen, tumaý men koronavırýstyń alǵashqy satylarynda olardyń esh aıyrmashylyǵy joq», - deıdi professor.
