«Tumar» ulttyq televızııa baıqaýyna qatysýǵa ótinim qabyldaý bastaldy

ASTANA. QazAqparat - Búginnen bastap tvtumar.kz saıtynda «Tumar-2023» ulttyq báıgesine qatysý úshin ótinimder qabyldaý bastaldy. Ótinimder 18 maýsymǵa deıin qabyldanady, dep habarlaıdy QazAqparat.

Baıqaýǵa 2022 jyly qazaqstandyq telearnalardyń efırine shyqqan televızııalyq jobalar qatysa alady.

Ótinimdi respýblıkalyq jáne aımaqtyq telearnalar, stýdııalar jáne kásibı televızııalyq kontent shyǵaratyn kompanııalar bere alady.

Bıyl alǵash ret «Úzdik sport kommentatory» jáne «Úzdik jýrnalıstik zertteý» nomınatsııalary boıynsha jýrnalıster óz baǵyn synaı alady.

Nomınatsııalar:

Úzdik aqparattyq baǵdarlama

Úzdik áleýmettik joba

Úzdik jýrnalıstik zertteý

Úzdik analıtıkalyq baǵdarlama

Úzdik tok-shoý

Úzdik oıyn-saýyq baǵdarlamasy

Úzdik telejýrnalıst

Úzdik telejúrgizýshi

Úzdik sport kommentatory

Úzdik aımaqtyq telearna

Úzdik derekti fılm (Qamal Smaıylov atyndaǵy arnaıy premııa)

Úzdik anımatsııalyq fılm (Ámen Qaıdarov atyndaǵy arnaıy premııa).

«Tumar» ulttyq báıgesi tarıhynda elimizdiń 1 500 astam kásibı jýrnalıst qatysýǵa ótinim berip, 258 jumys nomınanttar tizimine endi.

Búgingi kúni eksklıýzıvti músinshege otandyq televızııalyq jýrnalıstıkanyń 70 mamany ıe bolyp otyr.

2023 jyldyń jeńimpazdary jyldaǵy dástúr boıynsha qazaqstandyq televızııany damytýǵa qosqan úlesi úshin Tumar músinshesine jáne 1 mln teńge kólemindegi syıaqyǵa ıe bolady.