«Tumar» televızııalyq baıqaýynyń jańa maýsymy bastaldy
ASTANA. QazAqparat - «Tumar» ulttyq televızııalyq báıgesiniń jańa maýsymy bastaldy, dep habarlaıdy QazAqparat.
Bıylǵy jyly baıqaý 9 nomınatsııa boıynsha ótkiziledi. Úmitkerler, «Úzdik televızııalyq serıal», «Úzdik áleýmettik joba», «Úzdik derekti fılm», «Úzdik aqparattyq-taldaý baǵdarlamasy», «Televızııalyq maýsymnyń úzdik oqıǵasy», «Úzdik oıyn-saýyq jobasy», «Úzdik óńirlik telejoba», «Úzdik telejýrnalıst», «Úzdik telejúrgizýshisi» atalymdarynda baq synaıdy.
«Baıqaýǵa biregeı televızııalyq jobalar qatystyrylady. Syılyq alýǵa ulttyq jáne aımaqtyq televızııalyq habar taratý kompanııalary, stýdııalar, prodıýserlik ortalyqtar jáne televızııalyq kontentti óndiretin medıa ındýstrııanyń basqa da uıymdary qatysa alady», - delingen habarlamada.
Konkýrs jeńimpazdaryn marapattaý rásimi «Qazmedıa ortalyǵy» kınokontsert zalynda 2019 jylǵy 20 naýryzda ótedi.
Ótinim berý 10 naýryzda saǵat 18:00-de aıaqtalady. Baıqaý týraly tolyq aqparatpen saıtta , sondaı-aq Facebook, Instagram jelilerinde tanysýǵa bolady. Konkýrstyq jumysqa silteme jasaı otyryp, ótinimdi tumar@kmo.kz elektrondyq poshtaǵa jiberý qajet.
