«Tumar» televızııalyq báıgesi kórermensiz ótedi
NUR-SULTAN. QazAqparat - «Tumar» ulttyq televızııalyq báıgesin uıymdastyrýshylary 13 naýryzǵa josparlanǵan saltanatty shara televızııalyq formatta kórermensiz ótetinin málim etti, dep habarlaıdy QazAqparat tilshisi.
Atalǵan sheshim álemdegi koronavırýs pandemııasyna baılanysty aldyn alý sharasyn iske asyrý maqsatynda qabyldanǵan.
12 naýryz kúni QR Prezıdenti janyndaǵy Ortalyq kommýnıkatsııalar qyzmetinde «Qazaqstandaǵy koronavırýstyq ınfektsııa boıynsha aǵymdaǵy jaǵdaı týraly» baspasóz máslıhaty ótken bolatyn. QR vıtse-premeri Eraly Toǵjanovtyń aıtýynsha, ınfektsııanyń kelýin boldyrmaý maqsatynda 13 naýryzdan bastap buqaralyq sharalar merekelik, sporttyq, jappaı mádenı sharalar, konferentsııalar, semınarlar, kórmeler ótkizýge tyıym salynady.
Báıgeniń jeńimpazdary www.tvtumar.kz saıtynda jarııalanatyn bolady. Saltanatty marapattaý roásiminiń televızııalyq nusqasy 15 naýryzda «Habar» telearnasynan kórsetiledi.
