«Tumar» tarıhı kartınasy: 3-10 jastaǵy qyzdarǵa kastıng jarııalandy
ASTANA. QazAqparat - «Qazaqfılm» kınostýdııasy «Tumar patshaıym» tarıhı kartınasy boıynsha 3 pen 10 jas aralyǵyndaǵy qyzdarǵa kastıng jarııalady. Qyzdardyń túr-álpeti basty róldi oınaıtyn Almıra Tursynǵa uqsaýy tıis, dep habarlaıdy «QazAqparat» HAA tilshisi kınostýdııanyń baspasóz qyzmetine silteme jasap.
Kastıngke qatysýshylar qoıylatyn talaptar: jasy 3-10 jas aralyǵyndaǵy qyzdar, tolyq, orta jáne orta aýqymda tula boıy túsirilgen, fıltrsiz jáne kózildiriksiz túsken fotografııalardy poshtaǵa jiberý qajet.
Sondaı-aq, aty-jóni, týǵan jyly, boıy, salmaǵy, kóziniń jáne shashynyń túsi, túsirilimderdegi tájirıbesi týraly aqparat jiberý kerek. Kastıngke barlyq ult ókilderi qatysa alady.
«Foto jáne anketa casting_satai@mail.ru elektrondy adresi boıynsha qabyldanady. Qatysýshy túsirilim tobynyń kóńilinen shyqsa, olar sizdermen baılanysqa ózderi shyǵady. Nazar salyńyz! Keri baılanys úshin ózińizdiń telefon nómirlerińizdi kórsetýdi umytpańyz», - delingen habarlamada.
Qastıngke qatysý aqysyz.
Eske sala ketsek, budan buryn atalǵan týyndynyń rejısseri Aqan Sataev óziniń Instagramdaǵy paraqshasynda Qazaqstanda túsirilip jatqan «Tomırıs» tarıhı fılminde bas keıipkerdi somdaıtyn aktrısanyń esimi anyqtalǵanyn jazǵan bolatyn.
