«Tumar patshaıym» fılmine kastıng endi Qazaqstannyń batysynda júredi
ALMATY. QazAqparat - «Qazaqfılm» eki aýqymdy joba boıynsha akterlerdi izdeý jumystaryn jalǵastyryp jatyr, dep habarlaıdy QazAqparat tilshisi.
Kompanııanyń habarlaýynsha, kınostýdııa eki birdeı aýqymdy joba - «Elbasy joly. Beıbitshilik kindigi» jáne «Tumar patshaıym» atty tarıhı týyndylar boıynsha kastıng áli de jalǵasyp jatyr.
«Endi Qazaqstannyń ońtústik jáne batys oblystarynyń turǵyndary óz baǵyn synap, kıno juldyzyna aınalýyna múmkindikteri bar. Kastıngke 16 jastan joǵary barlyq qazaqstandyq qatysa alady», - delingen habarlamada.
Esterińizge sala ketsek, ústimizdegi jyldyń maýsym aıynda jumys ataýy «Elbasy joly. Beıbitshilik kindigi» jáne «Tumar patshaıym» atty kınojobalarǵa akterler arasynda respýblıkalyq kastıng jarııalanǵan bolatyn.
Bul fılmderdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ-y «Sataifilm» kınokompanııasymen birlesip túsirgeli otyr. Qoıýshy rejısseri - Aqan Sataev.
Aıta ketsek, atalǵan fılmderge kastıng Qazaqstannyń shyǵys óńirlerinde - Semeı, Pavlodar, Óskemen qalalarynda ótkizilgen bolatyn. Jaqyn kúnderi kastıng tómendegi qalalarda ótkiziletin bolady:
Qostanaı qalasynda - 14 jáne 15 tamyzda, І.Omarov atyndaǵy oblystyq qazaq drama teatrynda (Taran kósh., 144).
Aqtóbe qalasynda - 17 jáne 18 tamyzda, T.Aqtanov atyndaǵy qazaq drama teatrynda (T.Aqtanov kósh., 52).
Oral qalasynda - 20 jáne 21 tamyzda, Batys Qazaqstan oblystyq qazaq drama teatry (Dostyq dańǵ., 185).
Atyraý qalasynda - 23 jáne 24 tamyzda, N.Jantórın atyndaǵy Atyraý oblystyq fılarmonııasy (M.Ótemisov kósh., 115).
Aqtaý qalasynda - 26 jáne 27 tamyzda, M.Óskenbaev atyndaǵy Mańǵystaý oblystyq fılarmonııasy (5 yqsham-aýdany, 30 úı).
Qyzylorda qalasy - 29 jáne 30 tamyzda, A.Toqmaǵanbetov atyndaǵy Mádenıet úıi (Qazybek bı kósh., 21).
Taraz qalasy - 1 jáne 2 qyrkúıek, Jambyl oblystyq qazaq drama teatry (Abaı dańǵ., 115).
Shymkent qalasy - 4, 5 jáne 6 qyrkúıek, J.Shanın atyndaǵy oblystyq qazaq drama teatry («Nursat» yqshamaýdany, Astana dańǵ.).
Teatr jáne kıno akterleri birinshi bolyp qabyldanady. Kastıngi talaby boıynsha qatysýshynyń jasy 16 jastan joǵary bolýy kerek.
