«Tumar» báıgesi: Úzdik óńirlik telearna anyqtaldy
ASTANA. QazAqparat - «Tumar» ulttyq televızııalyq báıgesin marapattaý saltanatynda «Úzdik óńirlik telearna» nomınatsııasyn «Zhetisý» arnasy jeńip aldy, dep habarlaıdy «QazAqparat» HAA tilshisi.
«Úzdik aǵartýshylyq baǵdarlama» nomınatsııasy boıynsha - «Qazaq TV» arnasynyń «Sokrovışe natsıı» baǵdarlamasy jeńimpaz atansa, «Úzdik óńirlik telearna» nomınatsııasy boıynsha - «Zhetisý» arnasy óńirlerdiń arasynda úzdik dep tanyldy.
«Tumar» árbirińizdiń enshińizge jazylsyn. Mereıtoılaryńyzben shyn júrekten quttyqtaımyn», - dedi jeńimpazdy marapattaǵan senator Birǵanym Áıtimova.
Eske sala ketsek, «Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báıgege qatysýshylardyń joǵary belsendilikterin atap ótý kerek. Ótinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).
2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báıge erejesiniń talaptaryna sáıkes rásimdelgen 355 konkýrstyq ótinimdi qaraýǵa qabyldady.
Aǵymdaǵy jylǵy báıgege 14 nomınatsııa boıynsha ótinimder qabyldaý 15 qańtar men 1 naýryz aralyǵynda júrgizilgen.
