«Tumar–2025» ulttyq televızııalyq syılyǵyna ótinim qabyldaý ýaqyty uzartyldy

ASTANA. KAZINFORM – «Tumar – 2025» ulttyq televızııalyq syılyǵyna  ótinim qabyldaý ýaqyty 15 maýsymǵa deıin uzartyldy. Bul týraly Mádenıet jáne aqparat mınıstrligi málim etti.

Bıylǵy báıgege 2024 jylǵy 13 mamyr men 2025 jylǵy 14 mamyr aralyǵynda qazaqstandyq telearnalardyń efırinde kórsetilgen jobalar qatysa alady. Ótinimderdi respýblıkalyq jáne óńirlik telearnalar, telestýdııalar men kásibı televızııalyq kontent óndirýshi kompanııalar usynýǵa quqyly.

Ótinimder kelesi nomınatsııalar boıynsha qabyldanady:

- Eń úzdik áleýmettik telejoba

- Jyldyń eń úzdik reportajy

- Eń úzdik aqparattyq-taldamalyq baǵdarlama

- Eń úzdik jýrnalıstik zertteý

- Jyldyń eń úzdik telehıkaıasy

- Eń úzdik derekti fılm

- Eń úzdik balalar telejobasy

- Eń úzdik óńirlik telearna

- Eń úzdik telejýrnalıst

- Eń úzdik telejúrgizýshi

- Eń úzdik sporttyq kommentator

Ótinimder tvtumar.kz resmı saıtynda qabyldanady.

«Tumar» ulttyq televızııalyq syılyǵyna ótinim qabyldaý bastalǵanyn jazǵan bolatynbyz.