Tumar-2025: JIBEK JOLY telearnasy eki nomınatsııa boıynsha jeńimpaz atandy
ASTANA. KAZINFORM - Búgin BAQ qyzmetkerleri kúni qarsańynda «Tumar-2025» ulttyq televızııalyq syılyǵynyń ıegerleri anyqtaldy.
«Eń úzdik áleýmettik telejoba» nomınatsııasy boıynsha JIBEK JOLY telearnasynyń «Taza qala» jobasy úzdik dep tanyldy.
Atalǵan nomınatsııaǵa úmitkerler tiziminde 24KZ telearnasynyń «Taza Qazaqstan», QAZAQSTAN TV telearnasynyń «Jaqsylyq jasa», ASTANA TV telearnasynyń «Áke armany» jobalary boldy.
Sonymen qatar «Eń úzdik derekti fılm» nomınatsııasy boıynsha JIBEK JOLY telearnasynyń «Chelovek s ostrova Kýlaly» fılmi jeńimpaz atandy.
Atalǵan nomınatsııa boıynsha úmitkerler tiziminde ATAMEKEN BUSINESS telearnasynyń «Vandalızmmen kúres», QYZYLJAR telearnasynyń «Zakladchıkı. Rasplata», Habar telearnasynyń «Olımpııskıe svershenııa: kazahstanskıe geroı Parıja» derekti fılmderi bolǵan.
Aıta keteıik, bıyl baıqaýǵa qatysý úshin 11 nomınatsııa boıynsha jetekshi respýblıkalyq jáne óńirlik telearnalardan 300-den astam ótinim kelip tústi. Short-lıstke 44 jumys endi.
Tumar-2025 ulttyq syılyǵyna úmitkerlerdiń qysqa tizimi jarııalanǵanyn jazǵan bolatynbyz.