«Tumar – 2023» ulttyq televızııalyq syılyǵynyń nomınanttary jarııalandy

ASTANA. QazAqparat – Televızııalyq sheberlik salasyndaǵy «Tumar – 2023» ulttyq televızııalyq báıgesi 12 nomınatsııa boıynsha baıqaý ótkizedi, dep habarlaıdy QazAqparat.

Baıqaýdyń basty maqsaty – kásibı qoǵamdastyqtyń baǵalaý prızmasy arqyly qazaqstandyq televızııalyq ındýstrııany damytýdy yntalandyrý jáne onyń básekege qabilettiligin kórsetý.
Aqparat jáne qoǵamdyq damý mınıstrligi bıyl báıgege qatysýǵa 300-ge jýyq ótinim kelip túskenin habarlady. Eń kóp ótinim «Úzdik telejúrgizýshi», «Úzdik telejýrnalıst», «Úzdik áleýmettik joba» nomınatsııalary boıynsha qabyldanǵan. «Tumar» ulttyq baıqaýyna respýblıkalyq jáne aımaqtyq telearnalar, stýdııalar jáne kásibı televızııalyq kontent shyǵaratyn kompanııalar qatysty.
Bıyl alǵash ret «Úzdik sport kommentatory» jáne «Úzdik jýrnalıstik zertteý» nomınatsııalary boıynsha jýrnalıster baǵyn synaıdy.
Marapattaý rásimi qarsańynda qazylar alqasynyń músheleri syılyqqa úmitkerler tizimin jarııalady. Olardyń sany – 48.
Esterińizge sala keteıik, «Tumar» ulttyq báıgesiniń marapattaý rásimi 2023 jyly 4 shilde kúni Astana qalasyndaǵy «Qazmedıa ortalyǵy» kınokontsert zalynda ótedi.