«Tumar-2021» ulttyq televızııalyq baıqaýyna ótinimder qabyldaý bastaldy
Syılyqqa 2020 jyly qazaqstandyq telearnalardyń efırine shyqqan televızııalyq jobalar qatysa alady. Ótinimderdi respýblıkalyq jáne aımaqtyq telearnalar, stýdııalar jáne kásibı televızııalyq kontent shyǵaratyn kompanııalar bere alady.
Syılyq 10 nomınatsııa boıynsha beriledi:
Úzdik televızııalyq serıal
Úzdik derekti fılm
Úzdik aqparattyq baǵdarlama
Úzdik áleýmettik joba
Úzdik tok-shoý
Úzdik oıyn-saýyq baǵdarlamasy
Úzdik telejúrgizýshi
Úzdik telejýrnalıst
Úzdik rejısserlik jumys
Úzdik aımaqtyq telearna
2021 jyly Báıge besinshi ret ótkiziledi. Ol alǵash ret 2017 jyly Qazaqstan Respýblıkasy Aqparat jáne qoǵamdyq damý mınıstrliginiń bastamasymen qurylǵan. Syılyqtyń basty maqsaty – kásibı qoǵamdastyqtyń baǵalaýy arqyly qazaqstandyq televızııalyq ındýstrııanyń damýyn yntalandyrý.
Ótken jyldar ishinde myńnan astam jýrnalıst qatysýǵa ótinim berip, 178 jumys nomınanttar tizimine endi. Eksklıýzıvti músinshege otandyq televızııalyq jýrnalıstıkanyń 48 mamany ıe boldy.
Otandyq úzdik jobalar televızııalyq óner salasyndaǵy joǵary jetistikteri úshin «Tumar» syılyǵynyń músinshelerine ıe bolady. Músinde tumardy beıneleıtin jáne óz ıesin qorǵaıtyn túrki tumary beınelengen. Óz kezeginde «Tumar» ulttyq syılyǵy tabys beınesi men bolashaqqa degen senimdi kózqarasqa aınaldy.
Jeńimpazdardyń esimderi sáýir aıynda belgili bolady. Jeńimpazdar qazaqstandyq televızııany damytýǵa qosqan úlesi úshin Tumar músinshesine jáne 1 mıllıon teńge kólemindegi syıaqyǵa ıe bolady.
