Tumannyń kesirinen Almatyda paralleldi mogýldan Álem kýbogy ótpeıtin boldy
ALMATY. QazAqparat - «Shymbulaq» taý shańǵysy kýrortynda frıstaıl-mogýldan Álem kýbogy kezeńiniń ekinshi kúngi jarystary ótpeıtin boldy. Oǵan sebep qalyń tuman jáne kórý múmkindiginiń nasharlaýy, dep habarlaıdy QazAqparat tilshisi.
Osylaısha, Álem kýbogynyń sońǵy kezeńinde paralleldi mogýl boıynsha sportshylar jarys jolyna shyqqan joq. Ekinshi kúni Qazaqstan komandasy quramynda Pavel Kolmakov, Aıaýlym Ámirenova, Oleg Tsınn, Aleksandr Gebert pen Sergeı Romanov óner kórsetýi tıis edi.
Erejege sáıkes, aýa raıy jaǵdaıy nashar bolsa, Álem kýbogy esebinde úzdik 16 sportshy arasynda jańadan jerebe tartylady. Alaıda kún raıynyń qolaısyzdyǵyna baılanysty uıymdastyrýshylar jarysty múldem toqtatýǵa májbúr boldy.
Aıta keteıik, keshe týrnırdiń alǵashqy kúni sportshylar mogýldyń jekeleı synynda baq synaǵan bolatyn.
Eske salsaq, Qazaqstanda frıstaıl-mogýldan álem kýbogynyń kezeńine tuńǵysh ret ótti.
Avtory: Elaman Turysbekov
