Tumanǵa baılanysty Astana áýejaıynda 10-ǵa jýyq reıs keıinge shegerildi
ASTANA. QazAqparat - Astana áýejaıyn basqan qoıý tuman áýe reısteriniń keıinge shegerilýine sebep bolýda. 5 qarashada 8.30-daǵy jaǵdaı boıynsha tizimde 9 avıareıs kórsetilgen.
Astana áýejaıynyń anyqtama qyzmetinen habarlaǵandaı, reısterdiń keıinge shegerilýine aýa raıynyń ózgerýi, ıaǵnı, qalany qoıý tuman basqany sebep bolýda.
Saǵat 8.30 jaǵdaı boıynsha tizimdegi reıster: Air AstanaKC 341 Shymkent, ScatDV 713 Almaty, Bek AirZ9 2100 Almaty, Air AstanaKC 671 Almaty, Air Astana KC 335 Qostanaı, Zhetysu AvJTU 6064 Taldyqorǵan, ScatDV 715 Atyraý, Air Astana KC 336 Qostanaı, Air AstanaKC 342 Shymkent.
