Tumandy Albıonda nekeni aqshańqan kıiz úıde qııý sánge aınalyp barady - BAQ-qa sholý
***
«Statıstıkaǵa sensek, bizdiń elimizdegi qurylystyń ózindik quny qymbat. Tipti TMD elderi arasynda joǵary jaqtan oryn alady ekenbiz. Buǵan, árıne, qurylys materıaldary baǵasynyń aspandap ketkeni sebep bolyp otyr. Osy olqylyqtan qutylý úshin óz qurylys materıaldarymyzdy shyǵarý isin jandandyrý qajet», - dep jazady «Egemen Qazaqstan» gazeti senbilik sanyndaǵy «Baǵdarlama tirlikti alǵa bastyrýda» degen taqyryptaǵy maqalasynda. Basylymnyń atap ótýinshe, bul baǵytta «Bıznestiń jol kartasy-2020» baǵdarlamasy Ońtústik Qazaqstan oblysynda osy kásiptiń órkendeýine keń jol ashty. Tek sońǵy eki jyldyń ózinde óńirde óz isin ári qaraı jandandyrýdy maqsat etken 256 joba iriktelinip, olarǵa 97 mıllıard teńge kóleminde qarjylaı qoldaý kórsetilgen. Sonyń nátıjesinde jańa jumys oryndary ashylyp, qazynanyń kirisi artýda. Sonyń bir jarqyn dáleli retinde - «Stroı ıÝg Grýpp» JShS-in aıtýǵa bolady. Óndiris orny jylyna túrli uzyndyqtaǵy 17 myń dana turǵyn úı qurylysyna qajetti jabyn plıta men tirek baǵanalaryn jasap shyǵarady. Mundaǵy jańa tehnologııanyń ózgelerden artyqshylyǵy kóp. Ónimniń ózindik quny 20 paıyzǵa tómen. Eń bastysy, shyǵarylǵan qurylys materıalynyń seısmıkalyq beriktigi áldeqaıda joǵary. Qazir zaýyt óz ónimderin shetelge de shyǵara bastady»,- dep jazady maqala avtory.
Qazaqstan egemendigin jarııalap, táýelsizdik alǵan jyldardan beri sport salasynda dál bıylǵy tárizdi tolaǵaı tabysqa jetken emes. Qazaq eliniń sport sańlaqtary osy jyly ótken XXX London Olımpııalyq oıyndarynda tarıhta tuńǵysh ret jalpy komandalyq 12 orynǵa taban tiredi. Sóıtip, álemdegi eń iri sport derjavalarynyń mańaıynan oıyp oryn alyp, alǵashqy jıyrmalyqtyń aldyńǵy legin bastady. Bul, sóz joq, Elbasynyń Qazaqstan táýelsizdik alǵan jyldardan beri sporttyń damýyna erekshe kóńil bólip, qamqorlyq jasap kele jatqanynyń arqasynda múmkin boldy. Osy sport salasyndaǵy jetistikterimiz arqaý bolǵan maqala «Egemen Qazaqstan» gazetiniń búgingi sanynda «Qazaq abyroıy asqan jyl» degen taqyryppen berilip otyr.
***
«Budan bylaı brıtandyq qalyńdyqtar ádemi aq kóılek pen brıllıant qondyrylǵan neke saqınasynan ǵana armandamaıtyn boldy. Tumandy Albıonda neke qııý rásimin aqshańqan kıiz úıde qııý sánge aınalyp barady», - dep jazady «Ekspress K» gazeti «I vechnyı toı, pokoı ım tolko snıtsıa» degen taqyryptaǵy maqalasynda. Úlken shatyrda olar 100-degen qonaqty kútse, al eki adamǵa arnalǵan shaǵyn ǵana kıiz úıde jas jubaılar juldyzdy aspan aıasynda alǵashqy neke túnderin ótkizedi.
Osy basylymnyń atap ótýinshe bıyl Qazaqstannyń táýelsizdik kúni alǵash ret Fınlıandııa, Brazılııa jáne Indonezııa elderinde atalyp ótilgen. Máselen, Fınlıandııadaǵy dvorıandar qaýymynyń tarıhı saraıynda Qazaqstan elishiligi qabyldaý ókizgen. Sharaǵa fın Prezıdenti Ákimshiliginiń joǵary laýazymdy qyzmetkerleri, depýtattar, dıplomatııalyq korpýs ókilderi, sonymen qatar sol eldegi qazaq dıasporasy qatysqan.
***
«Astanada arbaǵa tańylǵan múgedekterge jańa qyzmet túri kórsetile bastady», - dep jazady «Lıter» gazeti senbilik sanyndaǵy «Taksı zakazyvalı?» degen taqyryptaǵy maqalasynda. Basylymnyń atap ótýinshe, múmkindigi shekteýli elordalyq turǵyndar úıleriniń dál aldyna deıin tek ózderine ǵana arnalǵan arnaıy taksıdi shaqyra alady. Onyń kómegimen olar qalanyń kez kelgen jerine erkin barady ári taksı qyzmetin tegin paıdalanady. Búginde qalada múmkindigi shekteýli jandardy tasymaldaıtyn 6 kólik jumys isteıdi. Aldaǵy ýaqytta taǵy da 10 mashına atyp alý kózdelgen.
