Tumanda adasqan bir otbasynyń 11 múshesi qutqaryldy
QARAǴANDY. QazAqparat - Qaraǵandy oblysynda ıen dalada adasyp ketken bir otbasynyń 11 múshesi qutqaryldy, dep habarlaıdy «QazAqparat» HAA tilshisi.
Adasqandardyń arasynda tórt bala, tipti úsh aılyq sábı bolǵan.
Aýyl ákimi, polıtsııa qyzmetkerleri jáne qutqarýshylar adasqan otbasynyń múshelerin 25 jeltoqsan kúni tańǵy saǵat 7-den bastap izdedi.
«11 adam eki mashınaǵa minip, Aqtoǵaı aýdanyndaǵy Abaı aýylynan Balqash qalasyna qaraı jolǵa shyqqan. Jolaýshylardy qalyń tuman baǵytynan adastyrǵan. Onyń ústine, avtomobılderdiń biriniń janarmaıy taýsylyp qalǵan», - deıdi oblystyq TJD resmı ókili Janna Dáýrenbekova.
Keıin adasqandar mańaıdaǵy tóbelerdiń birine shyǵyp, týystaryna telefon shalyp, jaǵdaıdy aıtyp úlgergen.
«Adasqan otbasy týraly 25 jeltoqsan kúni saǵat 7.30-da keldi. Olar ózderiniń dál qaı jerde ekenin bilmeıtin habarlady. Bul qutqarý jumystaryn qıyndatyp jiberdi. Olardy tabý úshin ishki ister departamentiniń tehnıkalyq kómegine júginýge týra keldi. Polıtsııa qyzmetkerleri mobıldi baılanys arqyly adasqan otbasy músheleri turǵan jerdiń koordınattaryn anyqtap berdi», - deıdi Janna Dáýrenbekova.
