Tuman, jel, jaýyn – jumaǵa arnalǵan aýa raıy
NUR-SULTAN. QazAqparat – «Qazgıdromet» RMK 11 qazanǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde atmosferalyq frontardyń ótýine baılanysty qubylmaly aýa raıy kútiledi. Keı jerlerde naızaǵaımen jańbyr jaýady, soltústik-batysta túnde jaýyn-shashyn jaýady (jańbyr, jylbysqy qar), burshaq jaýýy yqtımal.
Tek batysta, ońtústik-batysta jáne ońtústikte jaýyn-shashynsyz aýa raıy saqtalady. Keı jerlerde respýblıka boıynsha tuman kútiledi, jel kúsheıedi, túnde soltústik-batysta kóktaıǵaq kútiledi, kúndiz ońtústik-batysta jáne ońtústikte daýyl, shańdy daýyl kútiledi.
Soltústik Qazaqstan oblysynda jel 15-20, keı jerlerde ekpini 25 m/s kúsheıedi, keı jerlerde naızaǵaı, tuman kútiledi, burshaq jaýý yqtımal. Túrkistan oblysynyń keı jerlerinde naızaǵaı, daýyl kútiledi, jel 15-20 m/s shańdy daýylmen kúsheıedi. Pavlodar, tańerteń jáne kúndiz Aqmola, kúndiz Mańǵystaý, Shyǵys Qazaqstan oblystarynyń keı jerlerinde jel 15-20 m/s kúsheıedi,
Mańǵystaý oblysynda shańdy daýyl kútiledi. Jambyl, Qaraǵandy, kúndiz Almaty oblystarynyń keı jerlerinde naızaǵaı bolyp, jel 15-23 m/s kúsheıedi, burshaq jaýýy yqtımal.
Qyzylorda oblysynyń keı jerlerinde jel 15-20 m/s kúsheıedi, túnde topyraq betinde 1-3 gradýs úsik kútiledi.
Qostanaı oblysynyń keı jerlerinde tuman kútiledi, jel 18 m/s kúsheıedi, túnde jáne tańerteń kóktaıǵaq kútiledi. Atyraý, Aqtóbe, kúndiz Batys Qazaqstan oblystarynyń keı jerlerinde tuman kútiledi.
Túrkistan oblysynyń basym bóliginde, Qyzylorda oblysynyń shyǵysynda, Qaraǵandy oblysynyń batys jáne ońtústik-shyǵys bóliginde, Batys Qazaqstan oblysynyń ońtústik-shyǵysynda, Shyǵys Qazaqstan oblysynyń soltústik-shyǵys bóliginde óte joǵary órt qaýipi saqtalady.
