Tuman, jel, jaýyn-shashyn: Qazgıdromet aýa raıy boljamyn jarııalady

ASTANA.KAZINFORM – «Qazgıdromet» RMK-sy naýryzdyń 18-i kúngi kún raıy boljamyn jarııalady.

Kásiporynnyń derekterine qaraǵanda, búgin Qazaqstannyń basym bóliginde joǵary atmosferalyq qysym órisiniń áserinen kún jaýyn-shashynsyz bolady.

Tek eldiń batysynda, soltústiginde, soltústik batysynda atmosferalyq frontaldy bólikterdiń ótýimen kún qubylmaly bolady, jańbyr men qar jaýady.

Qazaqstan boıynsha tuman túsip, jel kúsheıedi, eldiń batysynda, soltústiginde kóktaıǵaq bolyp, kúndiz ońtústik-batysynda shańdy daýyl turady.

Osyǵan deıin elimizdiń birqatar óńirinde aýa raıyna baılanysty eskertý jarııalanǵanyn jazdyq.