Tuman, jel, jańbyr: 23 qyrkúıekte aýa raıyna baılanysty eskertý jarııalandy
ASTANA. KAZINFORM – Qazgıdromet 23 qyrkúıekte Astana men elimizdiń 16 óńirinde eskertý jarııalady.
Sınoptıkterdiń boljamy boıynsha, elimizdiń basym bóliginde tuman, jańbyr, naızaǵaı, jel jáne shańdy daýyl bolady.
Astanada órt qaýpi joǵary deńgeıde saqtalady.
Aqmola oblysynyń batysy men soltústiginde túnde jáne tańerteń tuman túsedi. Oblystyń ońtústik jartysynda órt qaýpi joǵary, soltústiginde tótenshe órt qaýpi saqtalady. Kókshetaýda túnde jáne tańerteń tuman túsip, tótenshe órt qaýpi saqtalady.
Soltústik Qazaqstan oblysynyń batysy, soltústigi men ońtústiginde túnde jáne tańerteń tuman túsedi. Oblystyń shyǵysy men ońtústiginde órt qaýpi joǵary deńgeıde saqtalady. Petropavlda túnde jáne tańerteń tuman bolady.
Qostanaı oblysynyń batysy men soltústiginde túnde jáne tańerteń tuman túsedi.
Pavlodar oblysynyń soltústigi men ortalyǵynda túnde jáne tańerteń tuman túsedi. Oblysta órt qaýpi joǵary deńgeıde saqtalady. Pavlodarda da túnde jáne tańerteń tuman bolady.
Qaraǵandy oblysynyń batysy men ortalyǵynda kúndiz soltústik-shyǵystan soǵatyn jeldiń ekpini 15–18 m/s-ke deıin kúsheıedi. Oblysta órt qaýpi joǵary deńgeıde saqtalady. Batysynda, soltústigi men shyǵysynda tótenshe órt qaýpi saqtalsa, ońtústiginde tótenshe órt qaýpi kútiledi. Qaraǵandy qalasynda tótenshe órt qaýpi saqtalady.
Ulytaý oblysynyń shyǵysy men ońtústiginde kúndiz jeldiń ekpini 15–18 m/s-ke deıin jetedi. Oblysta tótenshe órt qaýpi saqtalady. Jezqazǵanda da tótenshe órt qaýpi saqtalady.
Shyǵys Qazaqstan oblysynyń soltústigi, ońtústigi men shyǵysynda tańerteń jáne kúndiz jańbyr jaýyp, naızaǵaı oınaıdy. Soltústiginde túnde jáne tańerteń tuman túsedi. Kúndiz oblystyń soltústigi men ońtústiginde batystan, soltústik-batystan soǵatyn jeldiń jyldamdyǵy 15–20 m/s-ke deıin kúsheıedi. Batysy men shyǵysynda órt qaýpi joǵary deńgeıde saqtalady. Ońtústik-shyǵysy men ońtústiginde tótenshe órt qaýpi bar.
Abaı oblysynyń batysy, ońtústigi men shyǵysynda jańbyr jaýady, kúndiz naızaǵaı oınaıdy. Soltústiginde túnde jáne tańerteń tuman kútiledi. Tańerteń jáne kúndiz oblystyń ońtústigi, shyǵysy men ortalyǵynda soltústik-batystan, soltústikten soǵatyn jel 15–20 m/s-ke deıin kúsheıedi. Oblysta órt qaýpi joǵary deńgeıde saqtalady. Soltústik-batysynda, ońtústigi men shyǵysynda tótenshe órt qaýpi bar. Semeıde órt qaýpi joǵary deńgeıde saqtalady.
Almaty oblysynyń ońtústigi men taýly aımaqtarynda tańerteń jáne kúndiz jańbyr jaýyp, naızaǵaı oınaıdy. Ońtústiginde, shyǵysy men taýly aýdandarynda soltústik-shyǵystan soǵatyn jel 15–20 m/s-ke deıin kúsheıedi. Oblysta tótenshe órt qaýpi saqtalady. Ońtústigi men shyǵysynda órt qaýpi joǵary deńgeıde bolady.
Almaty men Qonaevta tótenshe órt qaýpi saqtalady. Іle Alataýynyń taýly aımaqtarynda tańerteń jáne kúndiz jańbyr jaýyp, naızaǵaı oınaıdy. Soltústik-shyǵystan soǵatyn jeldiń ekpini keı ýaqytta 15–20 m/s-ke deıin kúsheıedi.
Jetisý oblysynyń taýly aýdandarynda kúndiz jańbyr jaýyp, naızaǵaı oınaıdy. Oblystyń shyǵysynda soltústik-shyǵystan soǵatyn jel 15–20 m/s-ke deıin kúsheıedi.
Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Kúndiz taýly aýdandarda soltústik-shyǵystan soǵatyn jel 15–20 m/s-ke deıin kúsheıedi. Oblysta tótenshe órt qaýpi saqtalady. Tarazda da tótenshe órt qaýpi bar.
Túrkistan oblysynyń taýly aımaqtarynda kúndiz jańbyr jaýyp, naızaǵaı oınaıdy.
Qyzylorda oblysynyń shyǵysy men ortalyǵynda kúndiz shańdy daýyl bolady. Kúndiz oblystyń shyǵysy men ortalyǵynda soltústik-shyǵystan soǵatyn jel 15–20 m/s-ke deıin kúsheıedi. Oblysta tótenshe órt qaýpi saqtalady. Qyzylordada da tótenshe órt qaýpi bar.
Aqtóbe oblysynyń ońtústigi men shyǵysynda kúndiz shyǵystan, ońtústik-shyǵystan soǵatyn jeldiń ekpini 15–18 m/s-ke deıin jetedi. Oblystyń shyǵysynda órt qaýpi joǵary deńgeıde bolady. Batysynda, ońtústiginde, soltústik-shyǵysy men ortalyǵynda tótenshe órt qaýpi saqtalady.
Atyraý oblysynyń soltústigi men shyǵysynda kúndiz ońtústik-shyǵystan soǵatyn jeldiń ekpini 15–18 m/s-ke deıin kúsheıedi. Shyǵysynda órt qaýpi joǵary deńgeıde saqtalady, ońtústiginde tótenshe órt qaýpi bar. Atyraý qalasynda da tótenshe órt qaýpi saqtalady.
Mańǵystaý oblysynyń batysy, soltústigi men ortalyǵynda kúndiz shyǵystan, ońtústik-shyǵystan soǵatyn jeldiń ekpini 15–18 m/s-ke deıin jetedi. Batysy, soltústigi men ortalyǵynda órt qaýpi joǵary deńgeıde saqtalady. Soltústik-shyǵysynda tótenshe órt qaýpi bar. Aqtaýda órt qaýpi joǵary deńgeıde saqtalady.
Aıta keteıik, «Qazgıdromet» Qytaıdyń MAZU júıesin Qazaqstanda qoldanbaq.
