Tuman, jel, úsik: 28 qyrkúıekke arnalǵan aýa raıy boljamy
NUR-SULTAN. QazAqparat - 28 qyrkúıek, dúısenbi kúni aýa raıy qandaı bolatyny belgili boldy, dep habarlaıdy QazAqparat «Qazgıdromet» RMK baspasóz qyzmetine silteme jasap.
Aýqymdy antıtsıklonnyń áserinen Qazaqstan aýmaǵynyń basym bóliginde jaýyn-shashyn jaýmaıdy, kún ashyq bolady.
Tek shyǵys jáne ońtústik-shyǵysta atmosferalyq fronttardyń áserinen jańbyr jaýady. Respýblıka boıynsha keı jerlerde tuman túsip, jel kúsheıedi, ońtústikte shańdy daýyl turady.
Túrkistan, Qyzylorda, Manǵystaý oblystarynyń keı jerlerinde jel ekpini - 15-25 m/s, shańdy daýyl soǵady.
Jambyl oblysynda keı jerlerde tuman túsedi, jel qarqyny 15-20 m/s deıin kúsheıedi.
Qostanaı, Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinle tuman túsedi.
Qyzylorda,Túrkistan, Jambyl, Almaty, Qostanaı, Qaraǵandy oblystarynyń keı jerlerinde 1-3 gradýs úsik júredi.
Qyzylorda, Túrkistan oblystarynyń basym bóliginde, Qaraǵandy, Aqtóbe, Jambyl oblystarynyń keı jerlerinde tótenshe órt qaýpi saqtalady.
