Tuman, jel, kóktaıǵaq: 4 naýryzǵa arnalǵan aýa raıy boljamy
NUR-SULTAN. QazAqparat - Sınoptıkter 4 naýryzda Qazaqstan aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan aýmaǵynyń basym bóligi áli de antıtsıklon yqpalynda, osyǵan baılanysty kún ashyq bolady. Tek elimizdiń soltústik, shyǵys, ońtústik-shyǵys jáne batys aımaqtarynda tsıklon áserinen jaýyn-shashyn (jańbyr, qar) jaýady. Shyǵysta keı jerlerde qalyń qar jaýady. Respýblıkanyń keı jerlerinde tuman túsip, kóktaıǵaq bolady, jel kúsheıedi, respýblıkanyń shyǵysy men soltústik-shyǵysynda jaıaý burqasyn kóteriledi.
Pavlodar, Shyǵys Qazaqstan oblystarynyń keı jerlerinde tuman túsedi, kóktaıǵaq bolyp, jaıaý burqasyn soǵady. Shyǵys Qazaqstan oblysynyń túnde keı jerlerinde jel qarqyny - 15-20 m/s.
Aqmola, Jambyl, Qyzylorda, Soltústik Qazaqstan, túnde jáne tańerteń Almaty oblysynyń keı jerlerinde tuman túsedi, jel ekpini 15-20 m/s deıin kúsheıedi.
Túrkistan oblysynyń keı jerlerinde jel jyldamdyǵy 15-20 m/s jetedi.
Qostanaı, Qaraǵandy, Atyraý, Batys Qazaqstan oblystarynyń keı jerlerinde tuman túsedi.
Aqtóbe oblysynda kúndiz kóktaıǵaq bolady.
