Tuman, jel, kóktaıǵaq: 25 naýryzǵa aýa raıy boljamy
ASTANA. KAZINFORM — Qazgıdromet 25 naýryzda elimizdiń birneshe óńirinde aýa raıyna baılanysty eskertý jasady.
Sınoptıkterdiń boljaýynsha, aýqymdy antıtsıklon Qazaqstan aýmaǵynyń basym bóliginde jaýyn-shashynsyz aýa-raıyn saqtaıdy. Tek eldiń batysynda atmosferalyq frontaldy bólimderdiń áserinen naızaǵaı oınap, jańbyr jaýady.
Respýblıka boıynsha tuman, soltústikte, ortalyqta — kóktaıǵaq, soltústikte, ońtústikte, ońtústik-shyǵysta — jel kúsheıedi dep boljanǵan.
Túrkistan oblysynyń soltústiginde shańdy daýyl kútiledi. Soltústik-shyǵystan jel soǵady, oblystyń soltústiginde, batysynda, ortalyǵynda, taýly aýdandarynda jeldiń ekpini 23 m/s jetedi.
Al Shymkent qalasynda soltústik-shyǵystan jel soǵady, ekpini 15-20 m/s.
Aqmola oblysynda kún jylyp, qar qarqyndy erıdi, qarǵyn sý oblystaǵy ózender men salalardaǵy sý deńgeıin kóteredi.
Ulytaý oblysynyń soltústiginde, shyǵysynda tuman kútiledi.
Qaraǵandy oblysynyń keı aýmaqtaryn da tuman basady.
Atyraý oblysynyń soltústiginde, ońtústiginde, shyǵysynda jańbyr jaýyp, naızaǵaı oınaıdy. Túnde jáne tańerteń oblystyń batysynda tuman bolady. Ońtústik-shyǵystan jel soǵyp, ekpini 15-20 m/s jetedi.
Pavlodar oblysynda kún kúrt jylyp, qar jyldam erıdi.
Soltústik Qazaqstan oblysynda da aýa temperatýrasy kúndiz 7-12 gradýsqa deıin kóteriledi.
Jetisý oblysynda soltústik-batystan jel soǵady, ekpini keı ýaqyttarda 30 m/s-tan asady.
Buǵan deıin búgin úsh qalanyń aýa sapasy nasharlaıtyny týraly jazdyq.
